तुलसीपुर,८ फागुण ।
दाङमा आफ्नै घाँटि रेटेर एक ब्यक्ति गम्भीर घाईते भएका छन । घाईते हुनेमा शान्तीनगर गांउपालिका ३ बाघखोर निबासि बर्ष २४ का भुपेश थापा रहेको ईलाका प्रहरी कार्यालय तुलसीपुरले जनाएको छ । मानसिक सन्तुलन ठिक नभएका थापाले हसीयाले घाटि रेटेर जंगल भागेका थिए । जंगल भागेका थापालाई प्रहरीले उपचारका लागि अञ्चल अस्पतालमा ल्याएको डिएसपी प्रकाश सापकोटाले बताए ।
तुलसीपुर १ छोटेमा मामाघर बस्दै आएका उनले आज विहान घाटिको अगाडी र पछाडि रेटेका थिए । उनलाई थप उपचारका लागी नेपालगञ्ज रीफर गर्ने तयारी भैरहेको डिएसपी सापकोटाले बताए ।
प्रकाशित मिति : २०७४ फाल्गुन ८ गते मङ्गलवार
