भलिबलको उपाधी दिपशान्तिले हात पारयो

माघ २७, २०७४

 

लक्ष्मण बस्नेत

२७ माघ तुलसीपुर दाङ । दाङको शान र गौरव वृहत्त खुला पुरुष भलिबल प्रतियोगिताको उपाधी दिपशान्ति प्राविधिक शिक्षालय तलसीपुर बि ले हात पारेको छ ।

नगर युवा संजाल तुलसीपुर दाङको आयोजनामा संचालित प्रतियोगिताको सनिवार सम्पन्न फाइनल खेलमा दिपशान्ति ए लाई २५–२१, २१–२५, २५–२० र २५–१७ अर्थात ३–१ को सेटमा पराजीत गर्दै दिपशान्ति बि ले खुला भलिबलको उपाधी चुमेको हो ।

उल्लेख्य दर्शकले खचाखच भरिएको अरनिको मैदान तुलसीपुरमा भएको निक्कै कडा प्रतिस्पर्धा अनि रोमाञ्चक फाइनल खेलमा उपाधी चुम्न सफल दिपशान्ति बि ले ६० हजार नगद पुरस्कार,ट्रफी मेडल तथा प्रमाणपत्र हात पार्न सफल भयो ।

फाइनलमा पराजीत दिपशान्ति ए भने उपविजेतामा चित्त बुझाउदै ३५ हजार नगद पुरस्कार, ट्रफी, मेडल तथा प्रमाणपत्र हात पारेको छ । त्यस्तै तेश्रो स्थानका लागि न्यु स्टार युवा क्लब नारायणपुर र जनदेउराली युवा क्लब विच भएको खेलमा न्यु स्टारलाई ३–१ को सेटमा पराजीत गर्दै जनदेउरालीले प्रतियोगिताको तृतिय स्थान हासिल गर्न सफल भयो । उसले नगद २५ हजार, ट्रफी, मेडल तथा प्रमाणपत्र हात पा¥यो ।

माघ २५ गते देखी संचालित प्रतियोगितामा १० टिमको सहभागिता रहेको थियो । यसैविच प्रतियोगिताको समापन समारोह तुलसीपुर नगर युवा संजालका अध्यक्ष प्रकाश शर्माको अध्यक्षतामा तथा प्रतिनिधी सभा सदस्य कृष्ण बहादुर महराको प्रमुख आतिथ्य एव राष्ट्रिय सभा सदस्य कोमल वली र तुलसीपुर नगरपालिकाकी उपमेयर माया आचार्यको विशिष्ठ आतिथ्यमा सम्पन्न भएको थियो । कार्यक्रमलाई सम्बोधन गर्दै प्रमुख अतीथी महराले देशमा यतिवेला राष्ट्रिय एकताको खाँचो रहेको बताउन्ु भएको छ । राष्ट्रिय एकता विना देश समृद्ध बन्न नसक्ने भएकाले एकताको मियो बनाएर देशलाई समृद्धिको दिशामा लैजानु पर्ने उहाले बताउनु भयो ।

साथै उहाँले अब छिट्टै राष्ट्रिय सरकार गठन हुने समेत बताउनु भयो । सो अबसरमा राष्ट्रिय सभा सदस्य कोमल वली, तुलसीपुर उपमहानगरपालिकाकी उपमेयर मायाँ आचार्य, लगाएतकाले शुभकामना मन्तव्य व्यक्त गर्नु भएको थियो ।

तुलसीपुर उपमहानगरपालीका वडा नं ६ का वडा सदस्य दुजमान भण्डारी वर्षातले संचालन गरेको कार्यक्रम समापन समारोहमा विजेता, उपविजेता खेलाडी पुरस्कार तथा प्रमाणपत्र पदान गरिएको थियो भने प्रतियोगिता लाई भव्य एव सभ्य तवरले सम्पन्न गर्न महत्वपुर्ण सहयोग गर्ने संघ÷संस्था, उद्योगी, व्यवसायीहरुलाई प्रसंसापत्रले सम्मान गरिएको थियो ।

प्रतिक्रिया दिनुहोस