तुलसीपुर, १३ साउन
तीन तला माथिबाट खसेर तुलसीपुरमा एक बालकको मृत्यु भएको छ ।
मृत्यु हुनेमा तुलसीपुर उपमहागनरपालिका –५ ‘ख’ लाइनमा भाडामा बस्दै आएका रथीक मियाका ३ बर्षका छोरा रियाज मिया रहेको राप्ती प्रादेशिक अस्पताल तुलसीपुरले जानकारी दिएको छ ।
खेल्ने क्रममा तीन तला माथिबाट भुँइमा खसेर गम्भिर घाईते भएका बालकको उपचारका क्रममा ९ बजे राति मृत्यु भएको राप्ती प्रादेशिक अस्पताल तुलसीपुरका सूचना अधिकारी डिल्ली केसीले जानकारी दिए । पौने नौ बजे बालक खसेका थिए ।
प्रकाशित मिति : २०७७ साउन १३ गते मङ्गलवार