चीनमा कोरोना भाइरसका कारण ज्यान गुमाउनेको संख्या ७ सय १७ पुग्यो

माघ २५, २०७६  

काठमाण्डौ  ।

Advertisement

चीनमा कोरोना भाइरसका कारण ज्यान गुमाउनेको संख्या ७ सय १७ पुगेको छ । चीन सरकारले सार्वजनिक गरेको पछिल्लो तथ्याङ्क अनुसार कोरोनाका कारण चीनमा ज्यान गुमाउनेको संख्या ७ सय १७ पुगेको हो । यस्तै, ३१ हजार २ सय जनामा कोरोनाको संक्रमण देखिएको छ । अहिलेसम्म चीन बाहिर फिलिपिन्स र हङकङमा एकएक जनाको ज्यान गएको छ । चीन बाहिर २५ देशका २ सय ७० जनामा पनि कोरोना को संक्रमण भएको पाइएको छ ।

Advertisement

यसैबिच, हङकङले चीनबाट आफ्नो देश पुग्ने सबै नागरिकलाई आजदेखि १४ दिन क्वारेन्टाइनमा राख्ने भएको छ । चीनमा फैलिरहेको कोरोना भाइरसका कारण एकजनाको ज्यान गएको र २६ जनामा संक्रमण देखिएकाले शनिबारदेखि चीनबाट पुग्ने सबैलाई १४ दिन क्वारेन्टाइनमा राख्ने निर्णय गरेको हङकङले जनाएको हो ।

Advertisement

यो निर्णय नमाने जरिवाना र जेल सजाय हुनेछ । हङकङ पुग्ने आगन्तुक १४ दिन होटलभित्रै वा सरकारले संचालन गरेको क्वारेण्टाइनमा जानुपर्नेछ भने हङकङका नागरिक आफ्नै घरभित्र बस्नुपर्ने नियम आजदेखि लागू भएको अन्तर्राष्ट्रिय सञ्चारमाध्यमले जनाएका छन् ।


प्रतिक्रिया दिनुहोस