धनुषा, २६ पुष
धनुषामा अबैध उत्खननको विरोध गर्ने दिलिप कुमार महतोको हत्या गरेको आरोपमा क्रसर सञ्चालक पक्राउ परेका छन् ।सञ्चालकलाई जनकपुरधाम उपमहानगरपालिका–१ भानुचोक नजिकबाट शनिबार बिहान पक्राउ गरिएको प्रहरीले जनाएको छ । उनलाई बिहान १० बजे नियन्त्रणमा लिएको ईलाका प्रहरी कार्यालय ढल्केवरका प्रहरी निरीक्षक रामकुमार यादवले जानकारी दिएका छन् ।
प्रहरीले शुक्रबार नै दिलिपका साथी रोशन यादव र टिप्पर चालक मुनिन्द्र महतोलाई पक्रेको थियो ।शुक्रबार बिहान नदीमा भइरहेको अवैध उत्खननलाई रोक्न जाँदा दिलिप भन्ने ओमप्रकाश महतोको टिपरले किचेर हत्या भएको थियो । परिवारजनले क्रसर सञ्चालक विपिन महतोसहित स्थानीय प्रशासन, वडाध्यक्ष लगायतको संलग्नतामा हत्या गरेको आरोप लगाउँदै आएका छन् ।दिलिपको शव अहिले अस्पालमा छ ।
प्रकाशित मिति : २०७६ पुष २६ गते शनिवार