खनाल चाउमिन तथा सस उद्योगद्धारा उत्पादित चाउमिन कलर विक्रीमा प्रतिबन्ध

बैशाख २७, २०७६

ओपेन्द्र बस्नेत, तुलसीपुर २७ बैशाख ।अनुमति नलिएर बर्षौदेखि तुलसीपुर क्षेत्रमा उत्पादन गर्दै आएको चाउमिन कलरलाई विक्रीवितरणमा रोक लगाइएको छ । अनुमति विना चाउमिन कलर उत्पादन गरेको पाइएपछि उत्पादन र विक्रीवतरणमा रोक लगएको खाद्य प्रविधि तथा गुण नियन्त्रण डिभिजन कार्यालय तुलसीपुरले जनाएको छ ।
खनाल चाउमिन तथा सस उद्योगले विगत ६ बर्षदेखि बरुवा गाउँमा चाउमिन कलर उत्पादन गर्दै आएको थियो । उद्योगमा तयारी अवस्थामा राखीएको ४८ बोतल चाउमिन कलर विक्री गर्न प्रतिवन्ध लगाएको खाद्य प्रविधि तथा गुण नियन्त्रण डिभिजन कार्यालय तुलसीपुरका प्रमुख विवेक वन्जाराले जानकारी दिनुभयो ।

चाउमिन कलर, चाउमीन रङगाउन प्रयोग गरिन्छ । पकाएको कालो भेली, चीनि, कालो नुन, सोडियम र भेनेगर मिसाएर चाउमिन कलर उत्पादन गर्ने गरिएको उद्योगले जानकारी दिएको छ । उद्योगले यसअघि चाउमिनमा प्रयोग गर्नकालागि बजारमा विक्री गरेका भेनेगर, सोया ससका बोतलमा म्याद नटाँसीएको भेटाएपछि निगरानी गर्दै आएको थियो । उत्पादन गरेको चाउमिन कलरको स्याम्पल परिक्षण र अनुमति लिएपछि मात्रै पुनः उत्पादन र विक्रीवितरण गर्न सकिने डिभिजन कार्यालयले बताएको छ ।

२०६३ भदौ २० गतेदेखि उद्योग संचालनमा आएपनि चाउमिन कलरको उत्पादन भने विगत ६ बर्षदेखि माग अनुसार उत्पादन गर्न सुरु गरिएको उद्योगका प्रोपाईटर गोविन्दप्रसाद खनालले जानकारी दिनुभयो । उद्योगले हाल चाउमिन, चाउमिन कलर, चिल्ली सस, भेनेगर(अमिलो), भेजीटेबल सस उत्पादन गर्दै आएको छ । यद्यपी उद्योको बाहिर देखिने गरि बोर्ड समेत राखिएको छैन । तुलसीपुरमा क्षेत्रमा अहिले पनि अबैध रुपमा करिब ५÷६ वटा चाउमिन तथा सस उद्योगहरु संचालनमा रहेको स्रोतले बताएको छ ।
खाद्य बस्तुहरुको उत्पादन मिति र म्याद समाप्त हुने मिति देखिने गरी टाँस्नुपर्ने कानुनी प्राब्धान भएपनि खनाल चाउमिन तथा सस उद्योगले भने नटाँसेर सस र भेनेगर बजारमा विक्री गरेको थियो । यता उद्योग मालिकले भने भुलबस छुटेको प्रतिकृया दिएका छन् । उत्पादन गरिएका खाद्य वस्तुको लेवलमा अनिबार्य खुलाउनुपर्ने बिबरण, अपुग भएमा खाद्य एैन २०२३ अनुासर जिल्ला प्रशान कार्यालयले पाँच हजार जरीवाना वा ६ महिनासम्म कैद गर्न सक्ने कानुनी व्यवस्था छ ।
यता डिभिजन कार्यालयले उत्पादन गरेको वा विक्री गरेको पाईमा खाद्य ऐन अनुसार कारबाही प्रकृया अघि बढाइने जनाएको छ । ‘ २३ गते सम्म स्टक भएका चाउमिन कलरलाई विक्री नगर्नु भनेर मालिकको जिम्मा लगाइएको छ,’ प्रमुख वन्जाराले भन्नुभयो ‘त्यसपछि पनि उत्पादन गरेको र विक्री गरेको पाईमा खाद्य ऐन अनुसार कारबाही गछौं ।’

प्रतिक्रिया दिनुहोस